【全球首場】KFC婚禮請賓客瘋狂食炸雞！

身為KFC粉絲，如果可以舉辦一場盛大嘅KFC主題婚禮，相信一定非常難忘！2019年9月時KFC就宣布由澳洲一對情侶從2,000多名參賽者中脫穎而出，成為全球第一對舉辦以KFC為主題婚禮嘅夫婦！KFC更為呢場咁特別嘅婚禮資助部分款項，真係非常有意義！

呢對新婚夫婦凱特（Kate）和哈里森·坎恩（Harrison Cann）來自昆士蘭州，佢哋2017年第一次約會食飯嘅地方就係KFC，同KFC有住不解之緣！成個婚禮活動由主持人到結婚蛋糕都以KFC為主題，除咗有KFC照相亭同KFC餐車外，炸雞桶上更印上一對新人嘅名字，非常特別又有風格！婚禮甚至請嚟「上校」為一對新人獻唱，送上祝歌！