加拿大溫哥華櫻花綻放：粉紅色花海超浪漫！

講起櫻花，相信大家第一時間會諗起日本櫻花。但你又知唔知原來加拿大溫哥華都有「櫻花之都」嘅稱號，成個城市更有超過4萬棵嘅櫻花樹！每年3、4月春暖花開季節，溫哥華就會變成浪漫花海城市，係另一個賞櫻嘅好地方！

溫哥華嘅櫻花原來同日本好有關係，話說1930年時神戶及橫濱市長造訪溫哥華，將500棵櫻花樹送俾史丹利公園，令溫哥華市政府從此迷上種櫻花！所以當每年春天櫻花逐漸綻放時，溫哥華幾乎每個城市角落都有機會欣賞到一大片櫻花蹤影！

每年溫哥華亦會舉行櫻花節（Vancouver Cherry Blossom Festival），今年櫻花節將於4月2日至4月26日舉行，大家可以計劃去最出名賞櫻勝地：史丹利公園、伊莉莎白皇后公園賞櫻喇！