非洲國家疫情急速蔓延,毛里塔尼亞、盧旺達、塞舌爾、中非共和國及剛果均出現首宗確診病例。若疫情持續擴散造成大規模確診,因應當地較低醫療水平,情況將令人非常擔憂。現時有28宗確診病例、1宗死亡個案嘅摩洛哥,其外交部周日突然宣布暫停所有往來該國嘅國際航班直至另行通告。一班原定即將返港嘅香港人滯留機場於是成立Whatsapp群組,希望滯留期間互相照應!
摩洛哥政府於3月15日先是取消所有往歐洲嘅航班,直到香港晚上半夜時份,突然宣佈暫停所有往來嘅國際航班,據悉約30個國家嘅航線。現時摩洛哥已關閉其陸地、海洋和空中邊界,以防止疫情傳播。「封關」消息傳出後,大批旅客湧往機場,成千上萬遊客被困在摩洛哥機場心急如焚。
由摩洛哥返港一般經歐洲轉機或者經中東到東南亞再轉機,因所有國際航班暫停,幾乎所有航空公司取消全部航班,即使某些航空公司尚可訂機票,但訂票情況及實際航班卻非常混亂!
一班滯留當地嘅香港人曾致電香港人外遊求助熱線求助不果,僅表示無收到任何相關通知,其後只提供中國大使館及當地摩洛哥駐中國大使館聯絡電話予港人。根據滯留港人表示雖然未知歸期,但喺機場遇上另一班香港人,大家隨即成立「滯留摩洛哥香港人」Whatsapp群組,希望可以喺異地互相照應,發揮香港人精神!
於摩洛哥當地有多達1.2萬名法國僑民,法國當局已要求航空公司協助撤僑。現未知香港政府會否考慮安排包機接載滯留港人返港,希望咁多位滯留港人繼續守望相助、平安返港!
另外, 香港每日均有武漢肺炎新增個案,其中新增3宗確診個案均為輸入個案。當中有居於青衣宏福花園嘅患者曾到訪摩洛哥,其同行54歲姨仔日前亦確診。
No Comments