合味道桑拿

最近日本合味道杯麵推出歷時4個半月的集點抽獎活動，豪華獎品多達18款，有些產品設計新穎，有些搞笑，更有聯成合作，其中幾款特別吸引網友眼球。

這是有史以來第一次有用杯麵形狀製成的桑拿帳篷，高度約2.2米，內裡設有桑拿專用柴燒爐，空間足夠讓你享受舒適桑拿，即使天氣轉涼，到郊外露營，也可以邊取暖邊煮食，諗起都覺得Chill。

呢款周邊比較搞笑，大家小學應該有做過小實驗，用一條線將兩個紙杯連起，兩人分別在遠處也能聽到聲音震動，繼而再自我創作把紙杯放在不同位置，呢套有種童年回憶感覺。依家覺得好搞笑，但小時候真係做過類似事情。官網仲叫大家可以嚟進行視像會議。

謎肉是合味道杯麵中不可或缺的食品之一，其中一款獎品係1.5kg的謎肉，看似好多，但唔使擔心，官網提議咗不同食用方法，可以隨意變化。

另一個謎肉周邊都係大堆頭，其實係體形大，將謎肉放大42萬，變成巨型坐墊，感覺坐落去，會有肉汁噴出。

咁多款周邊中，最最最實用，娛樂性最高一定非「佢」莫屬，蔴雀設計非常認真，每一隻都添加品牌元素。

原本的萬子，變成麵子，好得意，但又無違和感，筒子就用日清其どん兵衛的標誌，索子用一條條麵條，一索是日清吉祥物，簡直配合得天衣無縫。

與潮牌BEAMS聯成系列，呢個裝扮會適合咩場合呢?

來源：https://www.cupnoodle.jp