這對可愛的”姐弟”常為大家帶來歡樂,飼主幾乎每天都分享這兩”姐弟”的日常生活,可愛互動,連日本當地電視台也有報導這對少有的組合。水獺姐姐今年5歲名叫Sakura(櫻花),貓弟弟2歲名叫Mochi(麻糬)。
雖然兩萌寵不是同時間入住這家庭,但牠們相處不久,已經可以同吃同睡,全無隔閡,飼主有時也不確定兩姐弟的動靜是誰在模仿誰。
但肯定的是”姐弟”能和諧相處,可以攬住瞓,可以安靜排排坐,又可以一齊玩。
互相幫忙按摩也是常事,相親相愛程度如親姐弟。
閒時飼主會帶牠們外出遊玩,櫻花季節仲一齊去賞花添。
Sakura非常痴身,好似小朋友一樣,扭主人抱,攞玩具,甚至要主人抱住瞓覺。
你睇佢有幾多…幾多玩具。
見到佢天生的呆萌樣,好難唔心軟,梗係咩都答應啦。
自己瞓覺嗰陣,要攬住公仔一齊瞓,好可愛啊。
Sakura無時無刻都能溶化網友,這些畫面好似從卡通走出來的,大家的心心眼都出曬嚟。
一向溫馴的Sakura為咩突然發惡?原來係妒嫉主人抱公仔唔抱佢,最後Sakura當然係如願以償,躺在主人暖暖懷抱啦。
不難發現,Sakura內置美食雷達,當有食物現身,牠永遠都是排第一,永不缺席。
生日咁大件事,當然係豪華迴轉自助餐啦,有得食有得玩,睇見到開心。
Sakura進食時好肉緊,雙手揸實美食,從不鬆懈。
Mochi弟弟也識趣,唔會…可能係唔敢同姐姐爭食。
呢啲就係叫開心到模糊吧。
清盤是常識。
來源: Twitter/kawauso_sakura
No Comments