自「Pokémon GO」推出以來，當有特別版精靈出現，玩家就齊齊出動捕捉，甚至到外地旅遊都不忘搜索精靈出沒熱點或跟朋友互相交換。
台灣新北市土城區一位伯伯陳三元絕對係狂迷之一，仲有綽號「寶可夢阿伯」之稱，早前用11部手機捉Pokémon，就已經被廣泛流傳，更曾被外國媒體BBC採訪，上年3月期間有網友在三重捕捉到他身影，已進化到24部，9月去到42部，眾網友都已經覺得好誇張。
但原來……42部也未能滿足他，最近更昇華到64部，超乎想像，網友响「爆廢公社公開版」上載照片，可見64部手機整排列於單車支架上，如孔雀開屏，伯伯對Pokémon熱情有增無減，手機陣已經蓋過頭頂。網友表示伯伯自從有華碩贊助後已經無極限了。
呢個架勢看似霸氣，但，不禁令人擔心交通安全問題，希望伯伯及各玩家開心捕捉之餘都要注意安全啊。
（照片來源：爆廢公社公開版）
去年有網友於3月及9於在不同地區親睹伯伯嘅開屏盛況，分享了”孔雀長大過程”，夜晚呢張確實有點震憾。
42部手機在前，旁觀都已經覺得好忙，但伯伯可以一人操控，真心佩服。
平常人嚟講，應該會手忙腳亂，但伯伯表現胸有成竹，遊刃有餘。
（照片來源：fb群組「爆系公社寶可夢討論區」）
No Comments