新冠肺炎疫情全球大流行,台灣防疫措施包括實行口罩實名制、徵用口罩工廠、設立防疫旅館等等備受國際讚賞,現時每日新增確診個案一直維持低位數。日前台灣網友Alice Sheep於【爆廢公社公開版】FB專頁邀請網友一齊分享居家防疫包,引起各界熱烈討論!台灣各縣市防疫包可以話應有盡有、相當豐富,連居家種植小盆栽都有!
根據台灣網友提供嘅防疫包資料,每個區域都有所唔同。最豪華相信非桃園莫屬,皆因零食、餅乾超過60幾包(不過有網友澄清圖中為2人份量)!其他縣市嘅防疫包內容都好貼心實用,除咗提供米、營養沖包等糧食外,仲有口罩、探熱針、漂白水、酒精、消毒搓手液、防疫小冊子!不過最令網友爆笑嘅係唔少縣市都有提供「靜思語」,唔通想市民居家抗疫時順便洗滌心靈?
最特別嘅防疫禮物當然要揀宜蘭「小盆栽」!宜蘭防疫包附有一包小種子,等你居家隔離14日花心思種植屬於你嘅小植物,有網友反映仲收到「蘭花」種子添!唔少台灣網友都表示好幸福:「台灣人民太幸福了」、「桃園是怕會餓死嗎」、「屏東不錯,有免費序號可用」!
同場特別加映「香港防疫包」:ㄧ條標示檢疫手環同兩張紙!睇完台灣分享嘅防疫包,相信唔少港人都非常羨慕啊!
Source : 爆廢公社FB專頁
No Comments