家居小百科：洗完衫沾滿紙巾碎一招急救法！

相信大家洗衫時一定試過唔小心連埋紙巾一齊洗，一打開見到滿機白色嘅紙巾碎黏住成機衫都會覺得好頭痛！日本有位網友就分享一個簡易小技巧，輕鬆將紙巾碎同衣服分開， 唔洗用手清理慳返好多時間！

█ 方法：

1. 加入柔順劑，成機衫再洗一次（唔需要再加洗衣粉）。
2. 設定清水洗1次，加脫水1次。
3. 洗完後，輕鬆清除9成紙巾碎！
4. 等衫曬乾輕輕一甩，仲有小量黏住嘅紙巾碎就可以甩走。

█ 注意事項：

不過亦有網友指出，呢種方法唔適合前置式洗衣機（ 滾筒式洗衣機）以及洗好連烘乾嘅衫（具有洗衣、乾衣功能二合一嘅洗衣機 ），因為紙巾纖維有可能會跌咗去洗衣機排氣管，到時需要搵維修師傅進行維修，因為洗衣機有可能會出故障。

Source : Twitter@54I23