新型冠狀病毒肺炎肆虐，香港人一罩難求為口罩連日四出奔波，更有不少基層長者於口罩內加墊紙巾或用漂白水浸洗口罩以作重用。有見及此，化學博士鄺士山（ K Kwong ）早前研發出香港製造嘅口罩濾芯，更公開口罩套紙樣供市民下載自行製作！大家可以參考 Sew On Studio 裳樂匯坊 製作 HK Mask嘅短片教學，一於「自己口罩自己做」！
所需材料：
下列為「HK Mask」材料包內含材料，大家亦可參考自行購買材料
購買材料：
位於深水埗有「布街」稱號的基隆街，唔少香港人近日都前往搜羅合適布料，用作DIY布口罩。「布街」上出現「口罩布」不織布材料，五顏六色應有盡有。亦有部分攤檔同時售賣「灑芯棉」，實際規格建議購買前向商戶了解清楚，避免購買了不合規材料。K Kwong 曾指出口罩面層需具備保護功能，宜選用跣水透氣布物料。而底層使用綿布吸濕會較為舒適。
至於濾芯方面，K Kwong指出有4種選擇：
1. 廚房紙巾 – 缺點：透氣度低
2. 袋裝紙巾 – 缺點 ： 透氣度低
3. NANOFIBER：與樂天淨化工程有限公司合作設計嘅新濾芯
4. MICROFIBER：與樂天淨化工程有限公司合作設計嘅新濾芯
4款濾芯設計均可達 70%以上有效過濾 0.3um 懸浮微粒標準，此標準符合早前香港大學自製口罩防疫之説。NANOFIBER預計售價是港幣$2，MICROFIBER詳情將於3月公布，預計過濾性和透氣性效果更好。
製作過程：
下載口罩紙樣：
[ 連 結 ]
K Kwong 指參照外科口罩原理，口罩主體由內中外3層組成，內、外層棉布套需要每日清洗熨燙。中間為阻隔飛沫嘅一次性濾芯（濾布），更換中層濾布後即可使用。
| K Kwong解釋點解再用口罩唔可以完全重用？
- 所有濾芯纖維再洗，密度一定會被破壞，過濾效能一定受損。
- 再用化學消毒都不能洗走濾芯内的毒物。
- 高溫亦會改變濾芯纖維密度，過濾效能一定受損。
- 有冇乜膠嘢可以水煮、唔怕酒精、防水、好似「乜Q可重用口罩」、過濾率好高咁，而重用呢？有！
- 用微波爐保鮮紙，一定可以乜Q病毒都隔到，亦可以做到(4)。不過你用咗亦呼吸唔到！
即使現時口罩供應稍為增加、價格稍為回落，但離「人人有口罩」仍有很大距離。基於疫情存在不確定性，口罩供應亦不穩定，各位不妨試吓喺屋企自行DIY布口罩，齊心抗疫！不過記得留意，DIY布口罩無過濾病毒功效，需要配外科口罩或者合規格嘅濾芯使用，唔適用於高危地區如診所、醫院，如果需要去高危地區都建議配戴合規格嘅外科口罩！
Source : K Kwong、Sew On Studio 裳樂匯坊
No Comments