【4種方法】一齊拯救澳洲樹熊！港人都可出一份力

澳洲山火仍然持續，情況非常嚴重。悉尼大學生態學家估計，幾個月大火至少有十億隻動物死亡，情況繼續野生樹熊種群好有可能被滅絕。《電訊報》更指出，據信至少有25,000隻樹熊喺大火中死亡，有幾種樹熊種群已被大規模、甚至嚴重滅絕，當中包括 Kangaroo Island 上嘅樹熊種群。

面對澳洲令人心痛嘅情況，即使遠在香港嘅我哋，仍然可以透過下列4種方法去出一份力，幫助澳洲樹熊：

1. 捐款給樹熊康復中心、醫院及野生動物公園
最直接幫助到澳洲樹熊嘅方法，就係捐款給樹熊康復中心、醫院及野生動物公園。目前已有有好多唔同嘅籌款活動，當中包括有由澳洲當地嘅一間樹熊醫院Port Macquarie Koala Hospital聯同57個組織合作於 GoFundMe 平台推出嘅眾籌計劃。

雖然現時已籌得超過500萬澳元款項，遠超過目標，但你仍可以先了解一下佢哋會點樣使用眾籌資金後再決定是否捐款。根據眾籌頁面指出，款項將會用於購買和分配自動飲水站（安裝於被燒毀地區），以幫助樹熊同野生動物。現時正增加飲水站數量及購買具消防功能嘅載水車輛以及建立野生樹熊繁殖計劃。

2. 助養樹熊
澳洲當地樹熊醫院Port Macquarie Koala Hospital 同樣發起另類拯救澳洲樹熊活動 – 助養樹熊！助養費用由一年$40~$70澳元不等，用以為野生樹熊支付護理、康復、日常生活開支，而你將會獲得助養證書！

3 . 種植「樹熊樹」
澳洲山火嚴重破壞野生樹熊嘅棲息地，樹熊依賴食用生存嘅樹木被大規模焚燒，所以種植新嘅「樹熊樹」以供佢哋日後食用以及對於修復澳洲土地、樹木有好大嘅幫助。你可以透過捐款 Port Macquarie Hospital 以及 the Australian Koala Foundation 資助種植「樹熊樹」，幫助加快重建樹熊棲息地。