患病貓貓失去雙耳：窩心庇護所職員特製可愛耳罩！

美國 Wisconsin 動物庇護所 Dane County Humane Society 於上年12月收留咗一隻流浪貓，佢叫做Lady。由於 Lady 耳仔因受慢性感染同血腫問題而潰爛，庇護所職員擔心Lady病情繼續惡化會導致聽力喪失甚至死亡，於是唯有忍痛切除佢嘅一對耳仔。

失去一對耳仔嘅Lady仍然非常鍾意同人相處，特別係擁抱同碰頭。於人道協會工作嘅Ash Collins 擔心Lady因失去耳仔而奇怪嘅外貌會大大影響佢被領養嘅機會，所以佢決定特別為Lady用心編織一頂得意嘅紫色「帽仔」，令佢望起上嚟好似有一對耳仔咁！

多得 Ash Collins 咁窩心嘅舉動，Lady好快就比有心人收養咗，準備展開佢新嘅生活喇！

Source : Dane County Humane Society