台灣金毛尋回犬粉絲專頁「金毛愛旅行の視角」日前曾分享過金毛尋回犬「Kimi」將主人嘅護照咬爛，當刻令仲有一星期就要去家族旅行嘅主人嬲爆！現時武漢肺炎疫情嚴重，主人諗返起先發現狗狗嘅無心之失反而救咗佢一命，因為今年家族旅行嘅目的地就係武漢！
從主人上傳嘅照片可以見到，護照被咬到殘破不堪，直情碎哂幾乎無一頁係完整！當時犯下彌天大錯嘅kimi一臉無辜，主人由於已準備好行程，時間緊急無法重新辦理護照同訂機票，根本唔想原諒kimi！
幾日後武漢肺炎擴散，主人先發現原來kimi想保護主人：「仔細回想，這孩子真的是在保護我，我護照被撕毀後，原本我打算去的地方，開始病毒肆虐；現在想起來挺懸，也挺感動的；還好有你阻擋了我們的行程，讓我們能平安的和家人一起團圓過年❤️」今次好彩有kimi嘅「無心之失」，唔通狗狗真係有預知能力？
Source：金毛愛旅行の視角
No Comments