4、5月嚟到東京睇櫻花、紫藤花之外,梗係要延續賞花之旅!今次帶大家去茨城國營常陸海濱公園睇有約450萬朵粉蝶花盛開嘅靚景!根據官網資料,今年比去年預計遲半個月開花,4月中已踏入觀賞期,而4月底附近日子就可以完全欣賞到最靚嘅粉蝶花喇!
公園面積有成200公頃,連日本當地人都會從日本四面八方湧過去欣賞呢片藍色花海,所以要有心理準備會非常多人啊!由東京出發,最方便就係搭高速巴士直接抵達公園入口,大約2粒鐘就到!一程過唔需要轉車,可以喺車上抖足精神準備打卡影靚相添!
公園入面仲有Cafe、餐廳、商店、單車徑、戲水廣場、林間冒險廣場同跳巨蛋等遊樂設施,啱哂一家大細!記得預留一日時間盡情睇盡情玩啊!
資料提供:Ellen
No Comments