日本燒肉店數之不盡,當中CP值高、當地上班族力推嘅就有超過20間分店嘅連鎖知名燒肉店「焼肉ライク」 燒肉LIKE ! 佢係新宿、渋谷 、 上野 、 秋葉原 、 池袋等都有分店,主打一人一爐,叫幾多食幾多,落單後仲要3分鐘內送餐,難怪吸引咗唔少上班族、單身者支持!
雖然主打一人一爐,但都有2人座位可以Share一個爐一齊燒!所有落單均用 Touch Pad直接點餐,非常方便!外套、隨身物品可以放喺椅內,而且店內採用無煙烤爐,燒烤時唔會產生油煙,唔洗擔心食完會成陣味。「焼肉ライク」 嘅午餐及晚餐MENU相同,燒肉套餐有 肉類、白飯、味噌湯及泡菜,客人可隨意揀肉類,揀數量,揀醬汁、調味料,自己 組合最啱心水嘅燒肉SET!
肉類有五花肉、牛舌、橫膈膜肉等選擇,而且份量可以由100克~450克任你隨心揀,啱哂胃口比較細嘅朋友,唔怕食唔哂。最平套餐只需530円 (未連税),等於港幣$40都唔洗,超級抵食!「焼肉ライク」人氣燒肉套餐就係「牛舌+五花肉+橫膈膜燒肉套餐」,200公克都只係1480円 (未連税) ,港幣$107就食到!試埋「生醬油」、「香濃生醬油」、「大蒜泥」、 「甜辣韓式辣醬」、「味噌」、「檸檬汁」 6款唔同醬汁,更加惹味!
Source : https://yakiniku-like.com/
No Comments