牛肉蛋白質含量高，不論打邊爐或者BBQ燒肉都好好味，所以一直深受香港人熱捧 ！牛肉你就食得多，但你又有無發現平時超級市場嘅牛肉有分「黑紅色」同「鮮紅色」？日本電視台節目《この差って何ですか？》搵嚟肉檔專家解答，原來呢隻色嘅牛肉竟然比較新鮮！
一般人買牛肉都會覺得「鮮紅色」比較新鮮，因為「黑紅色」嘅牛肉肉眼睇落去有種「 擺耐咗 」唔新鮮嘅感覺，就算節目內嘅嘉賓都認為「鮮紅色」嘅牛肉更加新鮮。不過肉檔專家就指出，其實「黑紅色」嘅牛肉相比「鮮紅色」更為新鮮，所有主持人同嘉賓都大為驚訝！
肉檔專家解釋，新鮮切嘅牛肉睇落會更黑，原因係牛肉本來係黑紅色？原來隨住時間流逝，牛肉中的一種含鐵色素嘅「 肌紅蛋白 」同空氣接觸後會氧化並變成鮮紅色。呈「黑紅色」嘅牛肉變黑代表新鮮切嘅肉無同空氣的接觸，喺缺氧情況下牛肉就會呈黑紅色，只要將肉放喺空氣中同氧氣接觸，肉就會慢慢變成鮮紅色。
所以大家下次如果選購牛肉時，記得識揀一定揀「黑紅色」嘅牛肉！
Source : 《この差って何ですか？》
No Comments