位於日本最北邊嘅北海道天氣寒冷,成為唔少遊客欣賞冬季雪景、體驗滑雪嘅旅遊勝地。今年北海道部分地區氣溫更曾降至攝氏零下36度,時隔19年再現嚴寒,暫時係日本今年最凍嘅氣溫!
日本一位網友早前喺Twitter分享咗某公司茶水間水龍頭意外漏水嘅景象,超震憾嘅流水畫面受網友熱烈關注!由於正值假期公司無人,水龍頭因為漏水令流水過多而溢出,更順勢流向地下。不過北海道天氣寒冷,溢出嘅水流意外結哂冰成一條條冰柱!有網友表示流水結冰畫面好有藝術感:「差點以為係最新嘅現代藝術」。
另外都有網友紛紛分享自己相同經驗,由於水管凍裂令到屋企房間變成冷凍庫,重新更換花咗1000萬日圓!該名網友仲提醒住喺北海道同東北地區嘅居民一定要注意!
Source:Twitter@diy_takachiro
No Comments