網友戴小姐上月在路邊遇見一隻雪白流浪雞,估計是用作開光後放生,流浪雞當時有點瘦而且身上有傷,於是戴小姐便帶回家暫時寄養著,待有緣人收養。
估唔到,第一晚流浪雞就硬要跳上床瞓,一啲都唔似被圈養過或流浪過的雞,寄養近一個月,期間跟戴小姐一家相處融洽。
從流浪雞變貴妃雞,雖然牠是公的,但這一躺,實在太似貴妃啦。(哈哈)
戴小姐覺得這隻雞很奇異,每日都睡魔纏身咁,日瞓夜瞓,食緊飯都突然「釣魚」,釣吓釣吓就已經同周公捉棋,擁有秒睡功能。
玩玩吓都瞓著,好似小朋友咁隨時隨地斷電,身在何處都可以即瞓。
睇手機都瞓。
上星期就發生搞笑事件,呢位「雞弟」(戴小姐對牠的稱呼)已經唔似一般大家認為的公雞咁一天光會啼叫,可以成為天然「鬧鐘」,反之,佢好似小朋友咁,需要被叫醒,「雞弟」好不容易清醒了,派牠去叫愛賴床的哥哥(戴小姐的兒子)起身,點知被哥哥一擁入懷,又秒睡了 ~ 變成「被關雞的鬧鐘」😂 不過,最後都有咕兩聲交功課。
寄養期間,戴小姐對「雞弟」照顧得非常好,會帶佢去睇醫生做檢查。
等得悶悶哋,風景都睇埋,都係休息吓先。
仲會幫「雞弟」修甲及沖涼,你睇佢幾咁享受。
閒時會一家大細去街街放電,載小姐的兒子亦會同「雞弟」分享玩具,「雞弟」好似都玩得好開心。
其實兩「兄弟」响屋企就經常孖公仔咁痴到實,一齊玩,一齊瞓覺,「雞弟」真係好好相與,任哥哥擺佈,豪不反抗,全力配合,互動好有愛。
來源:FB/爾娥小姐
No Comments