疫情當前,經常都會聽到唔少家長抱怨屋企年幼小朋友,無論戴口罩定洗手都好抗拒,作為家長好頭痛云云。家長除咗時刻提高警覺、以身作則外,又有咩方法可以令到小朋友自動自覺養成良好的洗手習慣?不妨參考美國小學老師呢一招「印仔挑戰」,小朋友都乖乖聽話洗手變得好積極!
其實小朋友自身免疫力相對較弱,生活上的細菌、病毒都比較容易入侵, 喺疫情期間保持勤洗手習慣非常重要!美國 Hallsville Schools 小學內一位29歲的老師Shauna Woods 發起「印仔挑戰」活動,每日朝早係小朋友洗完手後都會用改作業印仔喺學生手背印上「Mrs. Woods」。如果小學生可以放學前將印仔洗甩,就可以拎到一份小禮物!
呢項「印仔挑戰」開始後,小朋友都變得比平時更加積極,而且會自動自覺洗手唔洗老師督促,洗手次數大大提升!如果家長發現小朋友仲未養成良好的洗手習慣,可以學吓 Shauna Woods 老師呢招,效果好顯著!
Source : Mrs Woods 3rd Grade
No Comments