日本食品,永遠不會令你失望,外表吸引,細節精緻,最重要係味道一流。日本一位美食博客走遍愛知縣各區,品嚐美食,主要到訪咖啡店享用甜品,款式超多,造型吸晴,就算食唔到,都會繼續睇相〝止咳〞。
而日本不同季節的當造水果確實難以抗拒,大家應該也非常熟識,隨口都講得出多種名產吧,如香印提子、北海道夕張蜜瓜、山梨縣水蜜桃或青森蘋果等等,所以不難發覺博主很喜歡帶有時令水果的甜食。
雖然只是隔住屏幕睇美食,但透過靚靚照片,仍然會不自覺地幻想食物的味道及口感。
未能親身到當地,一直睇落去又好折磨,但又忍唔住繼續往下〝碌〞喎。嘩!嘩!嘩!
日本人製作出來的食物造型,靚到似藝術品一樣,相機必定要食先。
博主可能特別偏愛士多啤梨,社交網站上有大量關於士多啤梨的甜品,如此豪華豐盛,應該不用再食正餐了吧。
相信甜品控必定陷入這個美食漩渦久久不能返回現實,莫非真係會愈墮落愈快樂?
原個蜜瓜盅,菠蘿盅咁上枱,感覺上好抵食,永遠有個錯覺,覺得店家會豪無保留地將全部果肉奉上似的。
充滿陽光海灘感覺,解渴消暑首選。
可愛也是必備條件之一。
最後嚟個更大衝擊,極多人鍾愛日本地道美食,刺身啊~~~ 刺身啊~~~
好吧!今日晚餐訂咗日本餐了。
來源:IG/harapeko_mi_29
No Comments