主子的享受一直都是皇帝式，食好住好，連玩都係頂級配備，不過，每個貓奴的標準都不一樣，但同樣都係想主子開心。哥倫比亞一間專門出產貓商品的公司「CatLife」推出咗一張好優雅的床，表面與一般雙人床無分別，但內有乾坤，內籠打造成迷宮，畀主子閒時入去玩，如果屋企有幾隻貓，仲可以玩捉迷藏添。
雖然係床下底，但唔需要擔心會焗親主子，因為每邊都佈滿入口或排氣口，廠商更強調是零盲點及零封閉區，意思是無論貓咪去到邊，你點都可以响其中一個入口或排氣口見到主子的蹤影。
設計師仲好細心為貓奴準備特別武器，若唔想主子半夜入去亂跑嘈住你瞓覺，可以封住入口，貓喵就入唔到去玩。
睇上嚟外型及硬件配置都唔錯，但有飼主就覺得若要清理貓毛，每日都要掀起床板，而且近床頭位置，清理也不方便。
除咗迷宮床，「CatLife」有好多關於貓貓的多用途家俱，集實用、裝飾、玩樂於一身，是主子及奴才的恩物。類似組合櫃的設置，只要在適當位置開孔畀貓貓通過，再加埋抓板，就可變成遊樂場，同時亦有收納及展示裝飾品的空間。
對大家來說，近天花板的位置通常都無大用途，若加上貓架，可以善用空間之餘，主子又多咗地方跑跑跳跳。
無論大小工作室也可以配合。
貓貓開飯處也是半空，玩樂間又能開餐，唔錯啊。
食飽就攤抖，這是常識吧。
主子有幾舒爽？睇呢幾個設計就明晒啦，日光浴的最佳位置便是牠們的皇座，做貓真係太幸福了吧。
來源：FB/Catlife.co
No Comments