大家睇中藥後一般會有好多用剩嘅膠袋,你會點樣處理呢?台灣一名女網友 Yu wun Jiang 早前喺FB群組「不塑之客」分享,表示由於食中藥關係屋企有好很多透明膠袋,呢啲膠袋雖然有小小藥碎屑,但其實仲好乾淨。佢話中醫診所唔俾佢用舊膠袋重覆裝中藥,每次都會用新賿袋,直接掉好可惜,於是上網問網友點樣可以再利用?
唔少網友提出可以轉送俾有養狗嘅街坊,因為放狗時佢哋可以用膠袋執拾狗狗嘅便便。網友話原來好多公園都會放置回收膠袋嘅寵物便便袋箱,方便狗主重用膠袋,增加膠袋重用性,減少浪費。女網友 Yu wun Jiang 聽完網友建議後利用牛奶罐做咗個籃仔,掛喺屋宇信箱位置,非常有心思畫哂圖留言俾街坊,鼓勵大家重用膠袋,估唔到一個星期就被人拎哂好有成效!
呢位女網友其後再出Post指出,覺得一已之力實在太小,需要影響更多人,所以有咗回收計畫嘅諗法。佢成日去嘅中醫診所有好多病人,每日都會用成千個膠袋,數量非常驚人!佢於是同醫師溝通,希望喺診所放置回收箱回收藥袋俾愛狗人士使用。醫師好認同呢個諗法,而女網友都成功搵到台北市政府環保局資源循環科一齊合作,將回收嘅藥袋分配到適合嘅狗便袋供應處。但由於診所其他醫師阻止,以診所無空間、唔會有人想回收等理由拒絕。女網友無奈將自己熬夜幾日做嘅回收箱拎走。雖然俾打擊,但佢仍然表示會試住重拾勇氣再溝通或是找其他單位合作。
女網友繼續喺群組鼓勵其他人重用膠袋,表示將膠袋整理乾淨後,只需放喺樓下大堂提供俾放狗鄰居使用,終於佢累積多年嘅膠袋送哂出去!唔少網友都留意表示支持,認為女網友 Yu wun Jiang 呢個諗法非常有心思,而且仲大讚佢手字寫得靚添!想地球變得更好,我哋其實可以主動付出多小小,大家快啲跟住呢位女網友,善用膠袋減少浪費喇!
Source : 不塑之客
No Comments