收集物品究竟是愛好還是癖好?以下有些收集者的物品會令人讚嘆,驚訝或摸不著頭腦,通常不是大眾的東西會被標籤為另類,你覺得那一個最奇怪呢?
這兩位不是收集新的,齊齊整整或包裝美麗東西,而是完全相反,喜歡收集破爛的哥爾夫球及用都盡的鉛筆。
同鉛筆有解不開關係的一定係鉛筆刨,不過呢啲款式造型真係未見過,似古董擺設多過似筆刨。
這些被裱框的不是珍貴錢幣或古董小物,而是醫生從小孩的上消化道或肚內攞出嚟,小朋友好奇心重,任何嘢都會機會被放入口,湊小朋友真係要打醒十二分精神。
驟眼睇真係唔知係乜東東,原來係辦公室內員工集體儲起,廢棄的釘書釘,望住咁大桶廢釘,非常體現到咩叫積小成多,聚沙成塔。很好奇呢一桶用咗幾多年收集呢?
香港人認為最保值儲蓄磚頭,即買樓,但有人係儲一舊舊真磚頭,呢位人兄就有呢個特別興趣,將一啲佢認為特別的磚頭帶回家,唔知咁樣一直收集落去,第時會唔會可以起間小屋呢?
另外有人唔係儲磚頭,係儲石頭,但呢兩位收集得很節制,不會無止境無限地儲藏。一位係收集似大小寫英文字母小石,另一位係收集一些圓滑的蛋形石頭,而兩位收藏者有個共通點,每當找到更完美的便會把舊的棄掉。
嘩!婆婆擁有過百間屋…………雖然唔係人住的屋,但都幾壯觀,事源呢位婆婆好喜歡雀仔,所以响屋企外牆上放滿鳥屋,吸引以及歡迎各種雀仔入住。據知,鳥類不喜歡彼此靠得太近築巢,所以一次只有四到五間房子被佔用,但這樣仍可讓婆婆隨時見到可愛小鳥及聽牠們唱歌,對佢嚟講已很高興了。
唔好以為係用貼紙貼滿一個球狀物體,這完完全全,由內到外都是貼紙本尊,呢個貼紙球來自一間賣輪胎的店舖,睇見呢個巨球,只有一個諗法,就係覺得佢生意好好。
科學家說,在海洋中的第一種鯊魚出現在大約 4.55 億年前,如今的鯊魚可能比牠們的史前祖先細小,然而,鯊魚不停換牙的基因是沒變的,一條鯊魚在10年內要換掉2萬多顆牙齒,而一直留在海床的的鯊魚牙齒,可能已是數百或千年前遺下的,有些地方更能找到化石級別的鯊魚牙齒。
如果您經常旅行,常買的紀念品可能係明信片,磁可貼或匙扣,但有人專門用小玻璃樽,收集當地的沙灘的沙子或泥土以作紀念,更細心地貼上了標籤,是美好的回憶,同時也是精緻的裝飾;另一位收集用一個較大的玻璃樽,把曾經到過的地方,無論是沙灘或沙漠的沙,集合起來,一層一層疊上,也是令一種美。不過,遊客要注意,不是每個國家都容許旅客帶走當地的沙石啊。有些地區,都有明確規定,不得破壞自然保留區,都不得攜帶沙石或殼離境,若被抽查發現,會被罰款。
四葉草又名幸運草,是很難得的,就算你願意花一整天時間尋找,可能都未必找得到,這位收藏者能收集那麼多,應該是非常勤力及幸運的人,雖然有人專門培植及售賣四葉草,但用自己能力找到就更滿足,更開心。
大家玩開的骰仔都係方形6切面的,但原來仲有三角形,菱形,鑽石形,更有12面及20切面的,第一次見到咁多款,真係大開眼界。
來源:https://mynewpulse.com
No Comments