日本4月除咗睇櫻花外,仲有入選美國CNN電視台「2014年全球十大夢幻旅遊景點」嘅足利花卉公園紫藤花夢幻景色!園內種植咗唔同品種嘅藤花包括紫藤花、白藤花、大藤花、淡粉紅藤花同黃藤花等,最佳觀賞花期為每年4月中旬到5月中旬!
足利花卉公園一年四季都有開放,但最旺季節梗係紫藤花花季!唔少人慕名而來,就為咗欣賞一大片連綿藤花!園費會因應花況而有唔同,費用大概成年人900日圓-1,800日圓不等!藤花開得最靚時園費就係最貴,反之接近凋落時就最平!
喺東京市區想欣賞紫藤花,可以到市區有「東京第一賞藤勝地」嘅龜戶天神社!東京近郊就有足利花卉公園,兩個地方都出名欣賞紫藤花嘅景點!
如何前往足利花卉公園:
– 從新宿、池袋、上野或東京車站出發至「大宮」
– 從「小山」轉線喺「足利花卉公園」站落車
– 約3分鐘行去公園
– 從東京出發車程約2小時
資料提供:Ellen
No Comments