香港人好鐘意去旅行嘅緣故,每個屋企起碼都會有1~2個行李喼或以上。不過香港地寸金尺土,想收埋極具份量嘅行李箱一啲都唔容易!近日日本就有網友分享一款摺疊式行李箱 「FREETRIP」 ,唔用嘅時候可以摺埋,行李箱輕鬆變薄後厚底只有7CM!
摺疊式行李箱採用PC混合樹脂體同鋁合金框架作為主體材料,可承受高達50kg,可以抵抗撞擊之餘,又高耐用性,感覺好堅固!「FREETRIP」行李箱有大型 50mm 360度旋轉靜音四腳輪,可以任何方向平穩行駛!行李箱同時具備 TSA鎖以及有4個高度調節功能嘅合金行李把手,加上磨砂質感外觀同4款顏色選擇,外型都幾靚仔!
「FREETRIP」行李箱摺疊收納、打開使用都好方便!想收起只需向內折疊行李箱嘅兩側,同時向下移動頂部和底部嘅滑動按鈕就搞掂,大家係咪好想要呢?
Source : https://japanese.engadget.com/ 、 news.livedoor.com/
No Comments