鼠年就到，一連4日假計劃好去邊未呢？今年香港各大商場都聯同其他卡通或品牌角色準備咗各式各樣嘅新春主題佈置同活動，我哋整理咗精選特色佈置，一齊睇吓喇！
1 / iSQUARE x Mr. Men & Little Miss 新春團拜
今年適逢iSQUARE踏入10周年，由即日起至2月23日將聯同一眾Mr. Men & Little Miss卡通人物同大家團拜及迎接新春！ [活動詳情]
2 / 利園希慎廣場 x Sanrio 新春市集
《Sanrio characters 新春市集》活動由 1 月 10 至 24 日，到時會有12個攤位、Sanrio 角色造型美食、蛋糕同賀年食品、應節揮春同賀年裝飾陪你過年！當然唔少得同Hello Kitty、My Melody、Cinnamoroll 、 Kerokerokeroppi 等Sanrio角色打卡喇！[活動詳情]
3 / MegaBox x 蛋黃哥 迎新歲
由即日起至2月23日，蛋黃哥將於MegaBox 23 呎高大型賀年裝置現身，成為全港首個 10 呎高巨型招財貓造型充氣裝置！仲有戀占石、許願池裝置造型、戶外燈飾、攝影區同蛋黃哥新春期間限定店，粉絲點可以錯過？ [活動詳情]
４ / The ONE x 角落小夥伴™－角落新春派對
全港首個角落生物嘅大型主題佈置，首次以老鼠仔、舞獅同埋達摩造型亮相The ONE UG2中庭及地下露天廣場！活動日期由1月11日至2月16日，想參加角落生物見面會同角落生物合照？想去期間限定店買哂佢哋嘅精品？想拎走角落生物揮春、利是封、手拉車購物袋 、洗衣夾夾機？記得留意 [活動詳情]喇！
５ / 朗豪坊 x LEGO® 十二生肖「喜」勢跑
LEGO 新春別注版 #80105新年廟會將會以1:25比例亮相朗豪坊，多個 LEGO® 人仔以十二生肖造型登場，仲有得現場挑戰刺激好玩嘅生肖跑同過河遊戲及換領獨家限量版「樂高® 開運桃花」！即日起至2020年2月9日，4樓通天廣場見！ [活動詳情]
6 / 屯門市廣場 x 日清食品「瀛春接福溫泉町」
清仔一家首次以日本溫泉旅館及拉麵為主題於2020年1月10日~2月16日同大家賀年，到時會有好多唔同嘅歡樂體驗：鼠鼠聲拉麵大比拼、幸運拉麵彩虹樂、我的合味道工作坊、出前一丁期間限定賀年店，等你新年有得食有得玩有禮品，樂而忘返！ [活動詳情]
Source : iSQUARE、利園、MegaBox、The ONE、朗豪坊、屯門市廣場
No Comments