香港銀行嘅內部設計較為傳統及單調,一般以冷色系作為主調以帶出專業形象。每次去銀行,一式一樣嘅設計感覺沉悶沒有驚喜。近年銀行重視客戶體驗,特別對於室內空間設計,都希望為客戶帶來眼前一亮嘅感覺。位於日本熊本縣嘅「肥後銀行子飼橋分行」銀行就大反其道,將永續概念帶入銀行,顛覆銀行一貫刻板嘅感覺!
肥後銀行注重社會永續發展,更於2016年收購熊本阿蘇山上52公頃嘅林地,透過林業保護工作,推動林業永續發展嘅環保理念。室內設計團隊 FIL負責「肥後銀行」子飼橋新分行設計項目,利用林地木材營造一間提倡永續設計嘅銀行。
銀行整個室內設計打破了常規形象,相比以往冷冰冰感覺,多一點生活嘅溫暖、悠閒。以淺色木材作為空間主要元素,整體視覺上給人自然舒適、簡潔氛圍,更增添了一種以往沒有的親切感。相信如果香港銀行都有呢種耳目一新嘅設計,一定會大受歡迎!
Source : FIL
No Comments