Marvel周邊

日本Felissimo經常推出以動漫卡通為主題的產品，每次都引發大家的選擇困難症，全因產品大多是生活上的日常用品，既實用又美觀，唔知買得邊樣好。

今次就推出Marvel內幾個經典角色的周邊，有鋼鐵人、美國隊長、雷神及蜘蛛俠等等，可能有粉絲慨歎不是全員到齊，但也有人慶幸不是全員，否則，要花上很多錢才能集齊吧。

今次有幾款產品真係好靚，有朋友話自己不是Marvel迷，但也心思思想買喎。

呢個雷神鎚紙巾盒夠晒得意，實用之餘，做工亦精緻，連內層也印上LOGO，雖然唔係實物原大，但閒時攞嚟玩扮吓嘢都幾好笑。

驟眼睇是日本風睡衣，原來魔鬼藏在細節裡，復仇者聯盟的LOGO及人物剪影都融入圖案中，若另一半都係粉絲，咁就好啦，一人一套，响屋企都著情侶裝，仲唔係襯到絕。

真心覺得呢兩款收納袋實用又有型，大的可放平板電腦及瑣碎物品，背後更有支撐架放置平板觀看影片或工作；小的可放電子周邊配件，女士也可作化妝袋使用。

枕頭袋及多用途絲巾以美式漫畫復古風為主題，好靚啊。

在 100% 純棉製成的浴巾，感覺好舒服，官網更大膽地提議可以當掛畫裝飾，點解?因為太靚囉，睇佢張示範圖又真係幾OK喎。

一家幾口各自揀選自己喜歡的人物，刷牙都笑住刷啦。

仲有鋼鐵人卡套、毒魔袋、美國隊長攬枕等等。年頭年尾最多藉口可以買嘢送畀自己，快啲去睇吓有咩心頭好啦。

來源：https://www.felissimo.co.jp/marvel/