法國藝術家 Jonathan Bréchignac 僅僅利用簡單嘅原子筆喺紙上素描圖案 「地毯」 ，繪製成品令人難以置信！靈感來自穆斯林跪拜儀式嘅膜拜地毯，成個創作過程可以想像有幾漫長，佢表示第一份「地毯」作品就足足用咗年半時間、用成千小時去製作完成，之後每款「地毯」都可能需要長達8個月先能夠完成！
對 Jonathan Bréchignac 嚟講，手繪地墊創作係一種冥想活動，精緻、緩慢嘅作品繪畫過程令佢可以沉思、放鬆同專注，整理自己嘅思緒。佢希望每日都可以投入同一款作品，每一日都可以成為呢個作品嘅一部分。於時 Jonathan Bréchignac 開始製作複雜圖案、交錯線條、對稱幾何，佢亦會加入其他地方嘅特色文化，例如日本、美國原住民、墨西哥等藝術元素，一筆一畫都充滿創作者嘅努力同堅持！
Source : Jonathan Bréchignac
No Comments