武漢爆發不明原因肺炎至今已證實一名男患者死亡，7人仍病重。本港政府呼籲市民應時刻保持個人、食物同環境衞生，絕不能掉以輕心。一般供外科手術使用嘅口罩，佩戴得宜能有預防飛沫傳染，防止疾病傳播。但原來戴口罩有好多學問，你又罩得啱唔啱？
1 / 戴口罩前、 除口罩後都應洗手
好多人戴口罩前或除口罩後都會忽略洗手呢個重要步驟，其實日常生活中雙手經常接觸唔同物件，有機會將細菌帶到口罩上。而由於口罩戴咗一段時間，表面有機會有髒物、細菌，除口罩時難免會接觸到口罩，所以必須洗手。
2 / 正確戴口罩方法
■ 口罩有顏色或摺紋向下嘅一邊向外，白色面向內，有金屬條嘅一邊向上。
■ 口罩需要完全覆蓋口、鼻同下巴，緊貼面部後，將金屬條沿鼻樑兩側按緊壓實。
■ 簡單測試：戴上口罩後大力呼氣，雙手喺口罩兩訪邊感受有無漏氣，應因為個人情況選擇合適尺碼嘅口罩。
■ 戴眼鏡者應先戴上口罩後再戴眼鏡，其後呼一口氣，如眼鏡出現白霧即代表口罩同面部之間現空隙，不夠嚴實。
3 / 更換口罩
一個口罩唔好戴成日，每日應該至少準備2~3個口罩更換。如曾經打噴嚏、口罩沾到口水、開始濕濕地、爛咗就應該立即更換。一個口罩戴成日，會容易滋生細菌，佈滿細菌嘅口罩不斷接觸口鼻反而更加會病。口罩一旦除低就應立即棄置，千祈唔好重複使用。
Source : udn tw
No Comments