麥玲玲師傅早幾日喺佢社交平台分享咗年底大掃除吉日吉時,仲教大家幾項大掃除開運秘訣,等新一年氣運更好、健康更佳。即睇:
- 大掃除吉日吉時
由於麥玲玲師傅首選嘅兩個大掃除吉日:1月12及13日已過,大家仍然揀次選吉日1月19日作為全家總動員大掃除日子,因為當日為星期日,放假更加有時間一次過 大掃除! 1月19日大掃除吉時為上午7點至9點及上午11時至下午1時,大家要捉緊吉時喇!不過要留意生肖屬兔者會同呢個吉日吉時相沖,屬兔可能需要避免揀呢日大掃除 。 - 大掃除開運注意
麥玲玲師傅指出,若果去年運氣好嘅朋友,大掃除應該由門口掃入屋內,留住旺氣;相反去年運氣唔理想嘅朋友,大掃除應該由屋內掃往屋外,再以柚子葉煲水,抹抹家中每個角落,去除晦氣!除清除雜物外,同時亦可掉走傳統上認為是藏穢氣或者唔吉利物品,好似門口墊、舊鞋、藥物等等。
Source : 麥玲玲
No Comments