今日（3月13日）為一年一度嘅世界睡眠日（World Sleep Day），發起目的係希望引起大家對睡眠嘅關注！不過最近香港人面對疫情擴散「一罩難求」，有市民更表示為咗撲口罩無覺好瞓，甚至連發夢都排緊口罩，睡眠質素好惡劣！香港中文大學醫院趁住今日分享咗輕鬆入睡小貼士，疫情期間更加要瞓得好提升身體免疫力！
根據世界睡眠協會研究指出，全球現時有大約20億人失眠，數量驚人！世衛數據亦指出每10個香港人便有4個失眠，咁咪即係有4成香港都受失眠問題困擾？其實失眠係都市人常見問題，充分睡眠可以增進細胞修復、令身體得到適度休息，消除成日嘅疲勞！反之經常失眠或長時間瞓得唔好，身體、精神 、 情緒、記憶及認知能力、生活質素都會有好大影響！
輕鬆入睡小貼士：
- 建立持續、有規律的作息習慣。
- 定訂就寢時間，確保自己可以睡最少7小時。
- 保持睡房安靜、溫度舒適。
- 在睡眠前30分鐘便關掉電子產品。
- 避免在睡覺前吃大餐。
- 避免在床上進行與睡覺無關的活動。
- 避免在下午、傍晚攝取咖啡因。
- 避免在睡前喝酒及喝太多水。
面對疫情，香港人精神壓力非常大，大家今晚記得跟住上述入睡小貼士一齊瞓個好覺！
Source : 香港中文大學醫院
No Comments