小學老師神招督促：小朋友輕鬆養成洗手好習慣！

疫情當前，經常都會聽到唔少家長抱怨屋企年幼小朋友，無論戴口罩定洗手都好抗拒，作為家長好頭痛云云。家長除咗時刻提高警覺、以身作則外，又有咩方法可以令到小朋友自動自覺養成良好的洗手習慣？不妨參考美國小學老師呢一招「印仔挑戰」，小朋友都乖乖聽話洗手變得好積極！

其實小朋友自身免疫力相對較弱，生活上的細菌、病毒都比較容易入侵，喺疫情期間保持勤洗手習慣非常重要！美國 Hallsville Schools 小學內一位29歲的老師Shauna Woods 發起「印仔挑戰」活動，每日朝早係小朋友洗完手後都會用改作業印仔喺學生手背印上「Mrs. Woods」。如果小學生可以放學前將印仔洗甩，就可以拎到一份小禮物！