新冠肺炎疫情籠罩全球,法國因疫情嚴峻已於3月17日起全國封城隔離以減少擴散。截止4月3日,法國確診人數已高達59,929人,死亡人數更超過5,300人。由於疫情及封城影響,法國一名溫暖花店商人眼見數千花束閒置店內,於是決定將滯銷嘅花送往墓地為逝者獻上鮮花致意!
呢名位於法國西北布列塔尼嘅花店商人 Romain Banliat,唔想數千束花白白凋謝,希望將原本需要掉落垃圾桶嘅鮮花,於墳墓上繼續開花。於是佢拉住一車又一車嘅鮮花,唔同種類、唔同顏色,逐一向逝者獻上。Romain 鼓勵大家面對疫情時刻,各人都需要團結起嚟,即使所有人都難以擺脫呢場危機,但相信我哋都會變得更強大、更團結、要有耐心,大家都要照顧好自己!
Romain 喺FB分享呢個溫暖故事後,隨即獲得超過30萬個Like!各地網友都紛紛留言致謝,感激佢嘅好人事蹟同時,互相鼓勵大家繼續努力抗疫,保重身體!
Source : Végétal Banliat@FB
No Comments