【麥玲玲教路】必讀大掃除開運秘訣！

麥玲玲師傅早幾日喺佢社交平台分享咗年底大掃除吉日吉時，仲教大家幾項大掃除開運秘訣，等新一年氣運更好、健康更佳。即睇：

1. 大掃除吉日吉時
   由於麥玲玲師傅首選嘅兩個大掃除吉日：1月12及13日已過，大家仍然揀次選吉日1月19日作為全家總動員大掃除日子，因為當日為星期日，放假更加有時間一次過 大掃除！ 1月19日大掃除吉時為上午7點至9點及上午11時至下午1時，大家要捉緊吉時喇！不過要留意生肖屬兔者會同呢個吉日吉時相沖，屬兔可能需要避免揀呢日大掃除 。
   
2. 大掃除開運注意
   麥玲玲師傅指出，若果去年運氣好嘅朋友，大掃除應該由門口掃入屋內，留住旺氣；相反去年運氣唔理想嘅朋友，大掃除應該由屋內掃往屋外，再以柚子葉煲水，抹抹家中每個角落，去除晦氣！除清除雜物外，同時亦可掉走傳統上認為是藏穢氣或者唔吉利物品，好似門口墊、舊鞋、藥物等等。​

Source : 麥玲玲